قصة سندريلا بس متطورة شوية

المساهمات : 144 تاريخ التسجيل : 22/03/2010 العمر : 31

طبعا كلنا عارفين قصة سنديرلا .. بس النهاردة انا جيبالكم قصة سندريلا بس متطورة شوية ...

يلا نبدا :

مرات الاب : بت يا سندريلا اصحى يا بت جاك خابط فى نفوخك

سندريلا : اييييه يا مرات ابويا خمسه وحقوم

مرات الاب: قومى يا بت قامت قيامتـك

سندريلا وهى بتأفأف .. كان لازم يعنى اسهر عشان اسمع اللى اسمه اسامة منير ده !!!... وصحيت

مرات الاب : يللا قومى اكنسـى وامسحى على ما نيجي

سندريلا : وانتو رايحين فين ومتزوقين كده وكل واحده عامله نيو لوك

مرات الاب : رايحين حفله الامييير اللى حيختار واحده عشان يتجوزها

سندريلا : خدونى معاكو انا عاوزه اروح .... بليييز

عايزة ارجع الاقى مرات الاب : تروحى فين يا معفنه بلبسك المهرول ده .... انا

البيت بيبرق

وقعدت سندريلا تعيط ومشيت مرات الاب وبناتها الثلاتة وفجاة طلعتلها الساحرة من الميكروفون ...

الساحره : مالك يا سندريلا ؟؟

كان نفسي اروح معهم الحفلة بس لبسي مقطه ولا بسه شبشب بصباع وموبايلي كارت ..

الساحرة : ولا يهمك وطلعت من جيبها الموبايل وطلبت وطلبت مدام لولو عشان تبعت فستان وجزمة اخر موديل ...

فرحت سندريلا ولبست الفستان وحططت الاي شادو والجليتور ورشت البرفان ..

بس الساحرة قالتلها : قدامك للساعة 12 لازم ترجعي احنا صعايدة ودمنا حامي ( يا عيني عليكي يا ساحرة !!! ) ومعندناش بنات تتاخر برة البيت ولو اتاخرتي حترجعي زي ما كنتي بلبسك القديم وسط الناس .

سندريلا : حاضر حاضر اما ساحره رجعيه صحيح !!!

خرجت سندريلا من البيت ولقت الساحرة مجهزة ال BMW

اول ما ركبت سندريلا وراحت على القصر لفت جمالها كل اللي موجودين
وعلطول عين الامير وقعت عليها وطلب يرقص معاها ووافقت ..

نظرات ... همسات .... صمــت

ترررررررررن ترررررررررررن

سندريلا : دي الساحرة بتديني ميسد ... يا خبر الساعة 12 !!

وقامت طلعه تجري قوام بس وهي بتجري فردة الجزمة اتخلعت
طبعا خدها الامير المعجب ونادى للوزرير

الوزير : امرك يا باشا

الامير : الجزمة دي اسحبلي صورتها اسكانر ونزل صورتها في كل الجرايد القرية وع الويب سايت الملكي واكتب على صاحبة هذه الجزمة التوجه الى القصر ..

بنات كتيير جدا راحو ويا سبحان الله الجزمة مجتش على مقاس حد فيهم
( قال يعني سندريلا رجليها رجل معزة !!! )

شافت سندريلا الاعلان على ميلودي هيتس وراحت القصر للامير وتزوجت هي والامير وعاشوا في تبات ونبات وخلفو توأم ملتصق وشوية بناات ...

نهاية سعيده مش كده lol! >>> ههههههههه
يارب القصة تعجبكم ومستنية ردودكم ..

موضوع: dody الخميس مارس 25, 2010 8:06 am

بجد موضوع تحفة ميرسى ياقمر على القصة ده

موضوع: الفرعون العاشق الخميس مارس 25, 2010 10:45 am

بجد قصه حلوه
بس فى حاجه مش كويسه
هو ليه الكلام متلغبط كدا في بعضه
اوكى مش مهم
المهم ان الموضوع بجد اكثر من روعه
ربنا يخليكى
وارجوا المزيد
تحيات
الفرعون العاشق

المساهمات : 144 تاريخ التسجيل : 22/03/2010 العمر : 31

ميرسى على مروركم

» لا يصح إلا الصحيح مع شوية توضيح