الطيبة فى الحب

الطيبه فى الحب

هاتقولولى يعنى ايه الطيبه فى الحب ابقى ضعيف وغلبان يعنى .. شوفت دى اول غلطه
الطيبه فى الحب انك تسامح وتستحمل

تضحى وتيجى على نفسك كتير عشان بس تشوف الابتسامه على شفايفه

ماتكونش طماع فى حبك ولا انانى عشان ماتخنقش حبيبك

تقدر تديله حب ومشاعر بدون حساب مش حسب الظروف

تقف جنبه لما يقع وماتزهقش منه لما يكرر وقوعه لأنه معتمد عليك انك جنبه وبتساعده دايما

ماتقدرش فى يوم تزعله وتسيبه يتفلق لانك انسان طيب والقسوه مالهاش مكان فى قلبك

دايما تحسسه انك قوى ويقدر يعتمد عليك ويحتمى فيك

ولازم البنت تحس ضعيفه جمب الراجل وكمان تستمد ضعفها ده من قوته

وحاجات تانى كتير بس اهم حاجه ان يكون ليها حدود عشان ماتتحولش لضعف

حدودها انك ممكن تيجى على نفسك بس مش على كرامتك

عشان حبيبك لو حس بضعفك هايسيطر عليك من غير مايحس

وتفقد الثقه فى نفسك !!

طيب هل البكاء فى الحب ضعف وانكسار؟

مبدأيا البكاء فى حد ذاته مش ضعف بالعكس ده بيخلى الواحد يرتاح نفسيا وعضويا

ولو كان البكاء عيب مش ميزه ماكنش ربنا خلقها فينا

لأنك لما تبكى فى يوم تأكد ان عندك صدق مشاعر

بس الراجل ماينفعش يبكى دايما .. يبكى قليل جدا جدا وكمان مايكونش ادام حبيبه عشان مايحسش بضعفه

ولو حس بضعفه مش هايقدر يعتمد عليه

اللى بيبكى على حبيبه بيبكى على شجره زرعها وشافها بتكبر كل يوم ادام عينيه

وبيتعب اوى اوى عشانها يحاول يحافظ عليها ويديها كل اللى يقدر عليه

بيبكى على عشرة وحب وعلاقة قوية وتحس انها كل حاجه فى حياتك بعد ربك ودينك

بيبكى على عمر راح وكسرة قلب ومراره حزن

بيبكى على ايام حلوه واوقات جميله مش هاتتعوض وايام مره وصعبه اتغلبوا عليها مع بعض

بس فى ناس بطبعها طيب وناس بطبعها شرانى حبتين

وبناء عن تجربة شخصيه وبعد كل الكلام اللى قولته ده

اقولك ان الطيبه لوحدها فى الحب ممكن تهدم الحب

لأن حبيبك لما هايلاقيك بتعمل كل ده عشانه ومفضله على نفسك فى كل حاجه

فى الاول هايفرح اوى وهايحبك ويموت فيك

وبعد فتره هايجيله ملل فى المشاعر

وهايحس انك مش مالى عينه

عشان كده لازم يكون جنب الطيبه حزم

وجنب العطاء حفاظ على الكرامه